Драги браќа и сестри во Христа,
Библијата со низа примери нѐ охрабрува и поттикнува да веруваме дека со истрајна и застапничка молитва, може да го промениме тоа што изгледа непроменливо. Повеќе
Категорија: НОВОСТИ ВО ЛОКАЦИИ
Национален ден на молитва 2023 г.
- By emcmk
Лаички семинар во ЕМЦ Моноспитово
- By emcmk
Од 3-ти до 5-ти март 2022 г. во ЕМЦ Моноспитово се одржа семинар за лаички соработници,
на кој беа присутни 22-ца учесници и соработници. Со помош од предавачот од Швајцарија, суперинтендентот Штефан Цуркер, заедно се размислуваше на темата: како да се подготви една проповед. Му благодариме на Бог за можноста да се биде дел од овој семинар и да се вложува во службата на проповедниците.
Следат неколку коментари од учесниците:
Дејан Василев, ЕМЦ Муртино
Ми се допаднаа начините на проучување на Библијата, поконкретно кога размислувавме на белешките за време, место, лица, проблеми и употреба, на еден текст. Тие принципи, односно начини на размислување ќе ми помагаат во проучувањето на Библијата понатаму.
Данаил Ристовски, ЕМЦ Скопје
Ми се допадна што беше работен семинар, што не беше само слушање како повеќето. Ми се допадна што имаше цел семинарот, и како понов проповедник ми помогна да разберам дека можам да го концептуализирам процесот на создавање проповеди. Ми отвори една интересна насока на размислување.
Никола Јованоски, ЕМЦ Прилеп
За мене семинарот беше од добар карактер бидејќи првпат учествувам на ваков семинар и истиот беше доста поучен, како за спремање на проповед така и за толкување на параболи. Исто така имавме и супер заедништво и разговори. Тие работи се паметат.
Величко Зафиров, ЕМЦ Кочани
Голема радост беше за мене, а и задоволство да присуствувам за прв пат на еден семинар за лаички проповедници, каде што имав прилика да научам многу работи кои ги сочинува една проповед. Tоа што посебно ми зема внимание е моментот на размислување земајќи во предвид што можат да добијат слушателите во тој момент, која е целта на проповедта и нејзината структура (вовед, главен и завршен дел или заклучок). Ова искуство е всушност и темелот на она на кое сакам да работам во иднина. Благодарение на овој семинар имам една многу појасна слика на формирање или подготвување на проповед за во иднина.
Ѓеорги Грнчаров, ЕМЦ Струмица
Беше корисно да се размислува и разглобува еден текст од Библијата, и да се слушнат различни начини за тоа, како да се доживее еден текст преку нашите сетила, и на еден покреативен начин. Ми се допадна начинот на кој што размислувавме на различни идеи за Библиско проучување.
Детски собири во ЕМЦ 2021
- By emcmk
Драги читатели,
Со вас сакаме да ги споделиме трите детски собири што се оддржаа во месец октомври и тоа во ЕМЦ Скопје на 09.10, ЕМЦ Моноспотово на 23.10 и ЕМЦ Кочани на 30.10.
Имавме благословено и прекрасно време со многу дечиња. Нашата порака на овие детски собири беше ,,Бог гледа и обезбедува” со заедничко размислување на стиховите од 1 Цареви 17:7-16.
Пораката беше поделена во два дела. Во првиот дел подобро се запознавме со ликовите и приказната за Илија и жената вдовица во градот Сарепта. Размислувавме заедно како Бог ги гледаше и ги обезбеди потребите на Илија, како и на жената вдовица задно со нејзиниот син.
Бог и денес нас нѐ гледа и ги обезбедува сите наши потреби. Оваа Библиска порака ни кажува дека потребно е да ги следиме Божјите инструкции, насоки и упатства за да ги живееме Божјите ветувања. Нашата послушност е важна за Бог. Бог сака кога го слушаме и го исполнуваме Неговиот збор и го живееме Неговиот план за нас.
Како и крајот на овие стихови така и во нашите животи, Божјите благослови нема да престанат доколку сме Му верни, го слушаме и го следиме Неговиот глас “Брашното во ноќвите не се свршуваше, и маслото во масларникот не се намалуваше, според словото на Господ што Тој го изрече преку Илија.“ 1 Цареви 17:16.
Вториот дел од Библиската порака беше пораката за Исус Христос како наш застапник кој ги обезбедува нашите потреби. Тој нè сака и сака да ја обезбеди нашата најголема потреба, а тоа е вечен живот.
Исто како што Бог го испрати Илија да ги обезбеди потребите на вдовицата за да не умрат таа и нејзиниот син, Бог го испрати Исус да ги обезбеди нашите потреби за да не умреме засекогаш, но наместо тоа, да имаме вечен живот.
Заедно се молевме и му ги предадовме на Бог сите наши благодарности, нашите потреби, потребите на нашите семејства како и нашата желба повеќе да го спознаеме Господ Исус Христос и да му веруваме на Него.
Времето заедно го исполнивме со многу песни, забавни игри, рачни работи и другарување.
Со овие собири Mу даваме слава на Бог и го зајакнуваме Христовото заедништво, затоа со радост ги очекуваме следните собири за деца. 🙂
Му благодариме на Бог за секое детенце и за можноста да се посее Божјото Слово во нивните срца. Благодариме и на сите помошници и соработници кои допринесоа на било каков начин да ги имаме овие детски собири.
“Мојот Бог, по Своето богатство, нека ја исполни секоја ваша потреба, за слава преку Христос Исус.” Филипјаните 4:19
Симона Танчева
Годишна Конференција за 2021
- By emcmk
85-та Провизорна Годишна Конференција, за дистриктите Србија, Македонија и Албанија се одржа од 10-12 септември 2021 година Повеќе
Новогодишна вечер за тинејџери и млади
- By emcmk
Комисијата за работа со деца и млади ве поканува да се придружите на новогодишно дружење кое ќе се случува онлајн. Повеќе
Информации од ЕМЦ заедниците
- By emcmk
На 30 мај годинава, на едно заедничко собирање во Мис Стон Центарот, заедно со сите благајници ја испративме секретарката на ЕМЦ во Македонија Софија Трајковска во заслужена пензија. Повеќе
