Свечена богослужба во ЕМЦ Муртино

На 23 октомври во ЕМЦ Муртино беше одржана свечена богослужба по повод поставувањето на Димитар Јаневски за понатамошна служба. Богослужбата ја водеа локалниот проповедник Славчо Азманов и суперинтендентот Вилфрид Науснер, како и надзорниот проповедник Марјан Димов. После богатата програма следеше и добредојде кое заедницата го подготви за новиот член.

p1070657

Одмор на проповедници со фамилиите

img_1164За прв пат Пасторите од Евангелско Методистичка Црква во Македонија заедно со нивните семејства имаа можност да имат заедништво, да се дружат заедно, да разговарат, да се изградуват и одмарaат. Собирот беше од 20 до 22 октомври во хотел Бел Камен кој се наоѓа на планината Плачковица над градот Радовиш.

Младински состанок

12 и 13 ноември.
ЕМЦ Скопје.
Темата на состанокот: On-line живот.
Возрасна група: 16 до 27 години.
За повеќе информации обратете се на одговорните за млади во заедницата.

Евангелизација во ЕМЦ Моноспитово

14787553_1386641798015189_395173342_o

 

„На животот му е потребна надеж! Дали верата може да помогне?“ гласи темата на која ќе проповеда Новица Бранков, проповедник во ЕМЦ Нови Сад, Србија. Повелете да слушнете размислувања темелени на Библијата на некои од најчестите прашања!

27-30 октомври, ЕМЦ Моноспитово, 18 часот

Предавања за бракот

Што не поучува Библијата за бракот? За сите оние кои се во брак и за сите што планираат да влезат во брак, нтерактивни предавања на темата, секоја среда во ЕМЦ Моноспитово. Повелете!

Семинар за водители на деца и млади

Од 7 до 9 октомври беше организиран семинар за водители на деца и млади. Околу 30 млади луѓе од заедниците на ЕМЦ Македонија беа присутни и зедоа учество. Семинарот се одржа во Мис Стон центарот во Струмица.
Потребата да се даде некаков правец и помош на овие млади луѓе во нивната работа доведе до овој семинар. Поканет за оваа кратка обука беше Лукас Фанхаузер од заедницата во Зофинген, Швајцарија. Тридневните предавања беа од голема полза и надоградба за сите учесници.

Женски одмор, Струга, 2016

И оваа година жените од ЕМЦ од цела Македонија ја имаа можноста да уживаат 4 дневнен одмор кој се одржа од 26 до 29 септември во хотел „Бисер“ – Струга. Покрај многуте активности и разговори кои жените ги имаа меѓусебно, тие имаа можност да слушнат и неколку предавања на темата, која беше водилка на овој краток одмор, „Поканети на Божјата трпеза“. Организацијата секако беше предводена од координаторката на жени за Јужна Европа Барбара и координаторката на жени во Македонија Кристина Цеков, но учество во целата таа активност зедоа и други жени: Јулијана Милеска, Павлина Манавска, Лила Баловска, Керол Партриџ, Софија Трајковска и браќта од Србија кои се погрижија за музиката, како и Матијас, сопругот на Барбара кој не водеше низ неколку теми,а и други сестри кои помогнаа за успешна реализација на програмата. На овој одмор беа присутни 50 сестри од цела Македонија. Убаво е да се спомне и екскурзијата која жените ја имаа во среда, 28 септември до Поградец, Албанија. Заедничкото време поминато со заедницата таму беше вистински благослов за сите. Жените имаа можност поблиску да се запознаат со работата на ЕМЦ во Албанија, како и да посетат некои значајни места т.е. местото каде што жените од ЕМЦ Поградец го реализираат проектот „шиење ташни“ и центарот за социјална служба, место каде се собираат лица со инвалидитет, лоцирано во центарот на градот.

Во кратки црти: време благословено, време пријатно и сончево, многу жени, многу разговори, многу радости, песни и задоволства. Му благодариме на Бог за Неговата неизмерна љубов и милост која ја искажува и кон нас жените преку своите служители.