Во секоја заедница постои младински час
Тој час е шанса младите луѓе да разговараат за своите проблеми, сомнежи, верувања, надежи. Исто така, се обработуваат теми од Библијата и од учењето на нашата Црква. Во рамките на младинските активности е и заедничкиот дочек на Нова Година, традиционалниот првомајски излет, а секоја година се одржува и младински камп, кој исто така е прилика за дружење, меѓусебно запознавање и славење на Бога.
Децата имаат значајно место во секоја Заедница во нашата Црква. Акцентот најмногу е ставен на т.н. неделно училиште кое се одвива за време на неделната Богослужба.
На почетокот на Богослужбата децата се во црквата. Многу е важно и тие да се почувствуваат и да се доживуваат како дел од Заедницата. Во одреден дел од Богослужбата, децата одат во неделно училиште. Започнуваат со песна и молитва, а после тоа следува раскажување на библиска поука и рачна работа, која е поврзана со темата.
На крајот следи учење на стих од Библијата, кој децата го кажуваат пред Заедницата на крајот од Богослужбата. Со децата работи учител/ка кој/а е компетентна за таа работа. Еднаш во годината се одржува Детски состанок, на кој земаат учество децата од сите Заедници во Македонија
