• 84 Провизорна годишна конференција за Р.Македонија и Р. Србија, Кисач, 12-15 април 2018

    Како и секоја година и ова 2018 година беше одржана Годишната конференција за Р. Србија и Р. Македонија овој пат во Кисач, Србија. На конференцијата беа присутни околу 50 делегати […]

    Read more »
  • ЕМЦ Скопје Велигден 2018

    Велигден 2018 год. во ЕМЦ Скопје

    И оваа година во ЕМЦ Скопје, имавме прекрасно време сеќавајќи се и прославувајќи го Христовото воскресение. Имавме исполнет викенд со прекрасни активности и заедништво за слава на Бог. Вечерта на […]

    Read more »
  • Заеднички младински час – ЕМЦ Колешино

    На 25. 03. 2018  младите од Евангелска црква и младите од Евангелско-методистичка црква повторно го имаа својот заеднички час во ЕМЦ Колешино. Темата на часот водена од Самуел Цеков беше […]

    Read more »
  • Музичка вечер во ЕМЦ Колешино

    Недела, 25 март во ЕМЦ Колешино беше организирана музичка вечер на која сите заинтересирани можеа да присуствуваат и да учествуваат. Целта на ваквите настани е луѓето да се запознаваат со […]

    Read more »
  • Дистриктна конференција 2018

    На 24 март во просториите на Мис Стон Центарот беше одржана овогодинашната Дистриктна конференција. Конференцијата ја водеше Суперинтендент Вилфрид Науснер, а свои извештаи дадоа Претседателот на Црковното претставништво Емил Заев, […]

    Read more »
  • Состанок на Извршниот одбор на Централната конференција

    Состанок на Извршниот одбор на Централната конференција Слушање – учење – растење заедно Од 8 до 11 март 2018 година, Извршниот комитет на Централната конференција на Централна и Јужна Европа […]

    Read more »
  • Окружна конференција Моноспитово

    На 03.03. 2018 се одржа овогодинешната Окружна конференција во ЕМЦ Моноспитово. Конференцијата беше водена од Суперинтендент Вилфрид Науснер, а присуствуваа членовите на одборот како и други членови на црквата. Се […]

    Read more »
  • Окружна конференција Муртино

    На 13 февруари 2018 со почеток во 18:00 часот беше одржана окружна конференција во ЕМЦ Муртино. Конференцијата ја водеше Суперинтендентот Вилфрид Науснер, а беа присутни околу 12 членови на одборот. […]

    Read more »
  • Семинар за теолошко образование

    На 10.02 2018 во ЕМЦ Муртино беше одржан еднодневен семинар за теолошко образование на лаички проповедници и соработници. Темата на семинарот беше: „Учењето на Евангелско-методистичката црква“. Предавач: Суперинтендент Вилфрид Наузнер […]

    Read more »
  • Екуменски средби во Скопје

    Овогодишната молитвена осмина за единство на христијаните се одржа: Во Католичка црква во Скопје на 21.01; во Евангелско Методистичка црква на 22.01; во православната црква Св. Петка на 23.01.2018 год. […]

    Read more »

84 Провизорна годишна конференција за Р.Македонија и Р. Србија, Кисач, 12-15 април 2018

Како и секоја година и ова 2018 година беше одржана Годишната конференција за Р. Србија и Р. Македонија овој пат во Кисач, Србија. На конференцијата беа присутни околу 50 делегати од двете земји како и делегат од Јужно-германската конференција, делегат од Албанија, делгат од САД и суперинтендентите Вилфрид Науснер и Ана Палиќ-Кунчак, а самата конференцијата ја водеше Епископот на Централната конференција Патрик Штрајф.
Конференцијата беше отворена со свечена богослужба водена од суп. Ана Палиќ, а проповедаше суп. Вилфрид Науснер на темата која беше и тема за оваа Годишна конференција „Сѐ има свое време“, давајќи еден сликовит и јасен увид за двата видови на време кои човекот може да ги разликува. Хронос – времето кое поминува и кое човекот се труди да го пополни за врме на својот живот и Каирос- време кое е исполнето, време кое е доживеано, искусено и сакано.
Наредните два дена поминаа во изнесување извештаи на одговорните лица за службата која им е доверена во своите земји, па така свои извештаи дадоа суперинтендентите за општата работа и состојба на црквата, потоа следуваа и подетални извештаи за работата со жени, млади, деца, финансиските извештаи, извештај за литература, извештај за програмата “In Mission Together” (Во мисија заедно). Освен извештаите имаше и доволно време за дискусии каде што се споделуваа мислења во врска со теми за кои црквата има тешкотии или смета дека се важни. Седниците траеа до попладневните часови, а секоја вечер имаше свечени богослужби на кои присуствуваа сите браќа и сестри од Кисач и околината. Така во петок со своја проповед послужи делегатот од Јужно-грманската конференција Маркус Гумпфер на текст од Ефесјаните 5, 16 на тема „Искористете го времето зашто дните се лукави“, а богослужбата беше водена од пастор Марија Џуровка-Петраш. Саботната богослужба беше посветена на темата „120 години живот и работа на ЕМЦ во Војводина“ на која свое излагање имаше поранешниот суперинтендент за Србија, веќе и во пензија Мартин Хован, а целата богослужба ја водеше Даниел Сјанта.
Недела беше значаен ден за црквата во Војводина. На утринската богослужба пристигнаа браќа и сестри од сите заедници во Војводина кои дојдоа да присуствуваат на свечените богослужби по повод ординирањето на новиот Суперинтендент. Така со свечена богослужба на која проповедаше епископот Патрик Штрајф, сите заеднички и искажаа благодарност на досегашниот Суперинтендент Ана Палиќ-Кунчак за нејзината служба која ја вршеше повеќе од 20 години. Потоа сите присутни останаа на ручек кој беше подготвен од вредните раце на жените во Кисач. По ручекот беше одржана уште една свечена богослужба со ординирањето на новиот Суперинтендент Даниел Сјанта. Ова беше една посебна богослужба на која учество зедоа повеќе проповедници, а и самиот Даниел имаше свое обраќање.
Сите овие богослужби беа збогатени во програмата со прекрасните хорови на младите во Србија, хорот од Кисач и хорот од Падина, како и музички изведби од заедницата од Јабука и некогашниот младински хор составен од делегатите од Македонија и Србија.

Не може а да не се спомене топлото гостопримство на сестрите од Кисач кои целото свое време го посветија грижејќи се сите делегати и другите присутни да бидат добро најадени со превкусно зготвената храна и колачи.

Покрај пријатното пролетно време, навистина човек можеше да го искуси Божјото присуство кое со голем интензитет беше присутно помеѓу собраните во Неговото име.
Сѐ има свое време,вели проповедникот, време на почеток и време за крај, па така уште една благословена и пријатна годишна конференција остана зад нас.
Време исполнето, а не време пополнето, тоа е искуството кое го носиме со нас врајќајки се назад во Македонија.

 

Велигден 2018 год. во ЕМЦ Скопје

ЕМЦ Скопје Велигден 2018
И оваа година во ЕМЦ Скопје, имавме прекрасно време сеќавајќи се и прославувајќи го Христовото воскресение. Имавме исполнет викенд со прекрасни активности и заедништво за слава на Бог.
Вечерта на Велики петок се потсетивме на смртта на Исус Христос, преку музика и проповедање на Словото. Младите од нашата црква го прославија Бог со неколку песни, исто така и хорот ја разубави целата атмосфера со својот настап.
 
Во недела наутро на денот на Христовото воскресение, исто така имаше песни од младите, хорот веднаш по нив, музичка соло изведба, како и прекрасната порака од Словото. На крајот децата имаа Велигденска претстава, каде сликовито го претставија целото случување од воскресението на Исус. Потоа во дворот на црквата им приредивме мала забава на децата со слатки награди. И секако најмалите добија и Велигденско пакетче.
 
Христовото воскресение треба да ни носи радост, како во овој викенд, така и во секој нареден ден од годината. Ви посакуваме Божји благослови.
 
ХРИСТОС ВОСКРЕСНА! НАВИСТИНА ВОСКРЕСНА!
ЕМЦ Скопје Велигден 2018
ЕМЦ Скопје Велигден 2018
ЕМЦ Скопје Велигден 2018
ЕМЦ Скопје Велигден 2018

Заеднички младински час – ЕМЦ Колешино

На 25. 03. 2018  младите од Евангелска црква и младите од Евангелско-методистичка црква повторно го имаа својот заеднички час во ЕМЦ Колешино. Темата на часот водена од Самуел Цеков беше „Која е цената на следењето на Исус“. Поделени во три групи се дискутираше на повеќе сегменти од евангелијата и на крај сите групи ги споделија своите заклучоци базирани на предходно определените прашања.
Оваа 'традиција' на заеднички часови трае веќе неколку години, т.е. се одржуваат еднаш месечно со исклучок на летниот период.
Наредниот час од ваков карактер е закажан на 22.04.2018 во ЕМЦ Моноспитово.

Музичка вечер во ЕМЦ Колешино

Недела, 25 март во ЕМЦ Колешино беше организирана музичка вечер на која сите заинтересирани можеа да присуствуваат и да учествуваат. Целта на ваквите настани е луѓето да се запознаваат со поголем број песни и да се увежбуваат песните со нови и корегирани текстови. До сега вакви организирани музички вечери имаше во повеќе заедници.

Дистриктна конференција 2018

На 24 март во просториите на Мис Стон Центарот беше одржана овогодинашната Дистриктна конференција. Конференцијата ја водеше Суперинтендент Вилфрид Науснер, а свои извештаи дадоа Претседателот на Црковното претставништво Емил Заев, финансиски извештај Софија Трајковска и извештај за меѓурелигиски и меѓуверски односи Михаил Цеков. Делегатите исто така беа запознаени и со развојот на два проекти за кои известување дадоа Јулијана Милеска за проектот „Вложувајки во децата, вложуваш во иднината“ - проект наменет за едукација на деца од ромска националност и Мартин Конев за проектот „Нега во својот дом“- проект на Дијакониа Македонија наменет за нега на стари лица.
Конференцијата заврши со заеднички ручек на кој делегатите можеа да разговараат и за предстојната Годишна конференција која ќе се одржи во Кисач, Р.Србија од 12 до 15 април 2018

Состанок на Извршниот одбор на Централната конференција

Состанок на Извршниот одбор на Централната конференција

Слушање - учење - растење заедно

Од 8 до 11 март 2018 година, Извршниот комитет на Централната конференција на Централна и Јужна Европа се сретна во Будимпешта (Унгарија). Работата на темата "Комуникација и тимбилдинг" беше важен дел од програмата - но имаше и дискусии на повеќе теми.

Околу 30 жени и мажи од Евангелско-методистичката црква (ЕМЦ) во десет земји се состанаа во главниот град на Унгарија во првата половина на март 2018 година. Пред една година тие беа избрани за членови на Извршниот комитет или како претседатели на работни групи на Централната конференција на Централна и Јужна Европа. На состанокот во Будимпешта беше дадена прва можност за евалуација и понатамошно планирање. Меѓу учесниците беа и идните суперинтенденти на ЕМЦ во Македонија (Марјан Димов), Србија (Даниел Сјанта) и Словачка (Штефан Рендош).

Наспроти позадината на измените во Извршниот комитет и предизвиците на Црквата која ги надминува границите во многу погледи тематскиот фокус беше ставен на градење тим и комуникација. Имплементацијата на темата беше спроведена на многу креативен и разноврсен начин: радосна, преку формирање на хор и пеење, преку одбележувањето на Тајната вечера, посета на "Невидливата Изложба" интерактивно патување низ светот во целосна темнина, во размислувањето за создавање култура на отвореност - и во заедничката храна.

Со оглед на изборот на темата, беше сосема соодветно што официјалниот јазик на собирот на Извршниот комитет беше, за прв пат, англиски. Ова беше уште еден предизвик и сигурно не помогна во целосното совладување на сите разлики во однос на јазичните вештини, но тоа го зајакна меѓусебното разбирање и заедништво, бидејќи сите мораа да комуницираат на јазик, што не е нивен мајчин јазик.

Извршниот комитет, исто така, имаше значителни разговори и донесе неколку одлуки:

- Работата на елементарниот поредок на богослужба, која е поврзана и флексибилна, ќе продолжи. Работната група Литургија сега има за цел да најде локални цркви во различни земји на Централната конференција, кои се подготвени да стекнат искуство со свесна и конзистентна локална примена на четирите општи делови на богослужбата (пристигнување / слушање / споделување / излегување) или со откривањето на Господовата маса како јадро на христијанското славење.

- Ревидираниот германски превод на социјалните принципи со промените усвоени од Генералната конференција 2016 (на пример, нови статии за култура и идентитет, порнографија, малтретирање) беше одобрен.

- "Насоките за одговорен начин на живот" ќе се прилагодат според содржината и јазикот од страна на Централната конференција 2021.

- Во врска со изборот на нов епископ во 2021 година, беше усвоен предлогот за номинација и изборна постапка.

- Извршниот комитет беше информиран дека добрата финансиска состојба на Пензискиот фонд на Централната конференција дозволува од 1 јануари 2018 година зголемување на исплатите на пензија за сегашните и идните пензионери, како и за вдовиците на пастори.

Следниот состанок на Извршниот комитет ќе се одржи од 6 до 10 март 2019 година во Македонија.

Главната тема ќе биде "Сиромашни и богати на централната конференција".

извор:

Урс Швајцер
асистент на Епископ Патрик Штрајф

Окружна конференција Моноспитово

На 03.03. 2018 се одржа овогодинешната Окружна конференција во ЕМЦ Моноспитово. Конференцијата беше водена од Суперинтендент Вилфрид Науснер, а присуствуваа членовите на одборот како и други членови на црквата. Се разгледа целокупната работа на црквата во изминатата година и беше констатирано дека работата на црквата се одвива во добар правец. Плановите за оваа година остануваат тековните активности и проекти. Конференцијата ја потврди Ребека Пенева за помошник проповедник и за оваа тековна година.

-Даниела Стоилкова

1 2 3 8